Stýrikerfisútgáfur fyrir Símaróm.
Stuðningur er veittur fyrir Símaróm á ákveðnum útgáfum iOS og Android hverju sinni. Listinn er uppfærður um leið og stuðningur breytist.
iOS (iPhone og iPad)
| Útgáfa | Staða | Athugasemd |
|---|---|---|
| iOS 26.4 eða nýrri | Stuðningur | Á iOS 26.4 þarf að velja rödd úr Símarómi fyrir bæði íslensku og ensku. Frá iOS 26.5 velur síminn rétta rödd sjálfkrafa, sé kveikt á „Detect Languages“ í talstillingum. |
| iOS 26.0 til 26.3 | Enginn stuðningur | Uppfærðu í iOS 26.4 eða nýrri. |
| iOS 18 | Stuðningur | Velja þarf rödd úr Símarómi fyrir bæði íslensku og ensku. |
| iOS 17.4 til 17.7 | Virkar, án stuðnings | Á iPad fær iPadOS 17.7 enn öryggisuppfærslur frá Apple. |
| iOS 17.3 eða eldri | Enginn stuðningur |
Android
| Útgáfa | Staða | Athugasemd |
|---|---|---|
| Android 16 | Stuðningur | |
| Android 15 | Stuðningur | |
| Android 14 | Stuðningur | |
| Android 13 eða eldri | Enginn stuðningur |
Hvaða tæki?
iPhone og iPad
Staða tækis ræðst af hæstu útgáfu sem það kemst í. Allar iPhone-gerðir sem keyra iOS 17 geta uppfært í iOS 18.
| Tæki | Hæsta útgáfa | Staða |
|---|---|---|
| iPhone 11 og nýrri, iPhone SE frá 2020 | iOS 26 | Stuðningur |
| iPhone XS, iPhone XS Max, iPhone XR | iOS 18 | Stuðningur |
| iPhone X, iPhone 8 og eldri | iOS 16 eða eldri | Enginn stuðningur |
| iPad 8. kynslóð og nýrri, iPad mini frá 5. kynslóð, iPad Air frá 3. kynslóð, allir iPad Pro frá 2018 | iPadOS 26 | Stuðningur |
| iPad 7. kynslóð | iPadOS 18 | Stuðningur |
| iPad 6. kynslóð, iPad Pro 10,5 tommu, iPad Pro 12,9 tommu frá 2017 | iPadOS 17.7 | Virkar, án stuðnings |
| iPad 5. kynslóð, iPad Pro frá 2015 og 2016 og eldri | iPadOS 16 eða eldri | Enginn stuðningur |
Android
Úrval Android-tækja er svo fjölbreytt að við gefum hvorki lista né meðmæli um einstök tæki. Þar gildir eingöngu útgáfa Android á tækinu.
MDM-kerfi og Managed App Configuration
Sé Símarómur leyfisstilltur í gegnum MDM-kerfi með Managed App Configuration gilda einnig stuðningsreglur MDM-kerfisins sjálfs. Kerfi á borð við Microsoft Intune og Jamf styðja aðeins nýlegar útgáfur af iOS og listarnir breytast reglulega. Athugaðu því einnig samhæfnilista MDM-kerfisins þíns.
Styðji MDM-kerfið tækið ekki er samt hægt að virkja Símaróm beint á tækinu, annaðhvort með því að skanna QR-kóða eða með því að kaupa áskrift í App Store.
Hvað þýða stöðurnar?
- Stuðningur: Við prófum Símaróm á þessum útgáfum og veitum stuðning.
- Virkar, án stuðnings: Samkvæmt okkar bestu vitund virkar Símarómur á þessum útgáfum. Við getum hins vegar ekki lengur prófað á þeim og getum því ekki veitt stuðning.
- Enginn stuðningur: Símarómur virkar ekki eða hefur ekki verið prófaður á þessum útgáfum. Á iOS 16 gæti appið virkað, en um það höfum við enga vitneskju. Á iOS 15 og eldri virkar það alls ekki, því stuðningur við talgervla frá þriðja aðila kom fyrst í iOS 16.
Uppfært 5. ágúst 2026