Íslenska talgervilsappið
Les fyrir þig
Íslenska alls staðar: Sjálfvirkur upplestur á öllum íslenskum textum í snjalltækinu þínu.
Val um mismunandi raddir sem tengjast öllum aðgengisöppum.
Símarómur er talgervilsapp fyrir íslensku. Öll forrit sem geta notað talgervilsrödd stýrikerfis geta notað íslenska talgervla Símaróms. Raddir Símaróms eru fyrstu og einu íslensku kerfisraddirnar fyrir iOS - iPhone og iPad. Með ljóslestursvirkni Símaróms er hægt að skanna texta af blaði eða bók og fá hann lesinn samstundis.
Símarómur tengist aðgengisforritum tækja, sem stýra upplestri á öllu efni á símanum. Read&Speak, VoiceOver, TalkBack og önnur aðgengisforrit leyfa upplestur á vefsíðum, skjölum, skilaboðum, tölvupósti og öðrum textum — með Símarómi virkar íslenskan alls staðar.
Símarómur tengist tjáskiptaforritum eins og Speech Assistant og TDSnap. Veldu þá rödd sem þér líkar best til þess að tjá þig með á íslensku.
Ekki aðeins eru raddir Símaróms fyrstu og einu íslensku kerfisraddirnar fyrir iOS, heldur eru hvorki meira né minna en sex raddir í boði: þrjár kvenraddir og þrjár karlraddir. Fyrir nokkrar þeirra má stilla blæbrigði lesturs. Android inniheldur eina karlrödd.
Raddir merktar með 🎭 bjóða upp á að velja á milli mismunandi blæbrigða lesturs. Hvaða blæbrigði fellur þér best?
Með Símarómi geturðu skannað texta af blaði eða bók og fengið hann samstundis lesinn upphátt.
á tækinu þínu
Óhætt er að láta Símaróm lesa hvaða texta sem er - enginn texti yfirgefur tækið. Raddirnar eru hraðvirkar og skýrmæltar, þær standast strangar kröfur notenda skjálesara.
Símarómur er þróaður hjá Grammateki ehf á Akranesi með stuðningi Almannaróms gegnum Skerf, hagnýtingarsjóð í máltækni. Íslensk þróun sem stuðlar að sjálfstæði Íslands í máltækni og gervigreind.
„Frá því ég uppgötvaði Símaróm hefur mér gengið mælanlega betur í námi. Í stað þess að þurfa að takmarka lestrarálagið vegna lesblindu get ég nú lokið fullum einingafjölda í lögfræðinni án vandkvæða.“
Einar, lögfræðinemi
„Aðgengi að áreiðanlegum og fjölbreyttum röddum í tjáskiptatækjum er grundvallaratriði fyrir þau sem reiða sig á slík tæki og forrit á borð við TD Snap til að tjá sig. Það eru mikilvæg tímamót að nú sé loksins komið val um mismunandi raddir og að þær séu virkar í iOS-stýrikerfinu.“
Hanna Rún, kennari
Sæktu Símaróm á App Store eða Google Play.
Ítarlegar leiðbeiningar um uppsetningu birtast þegar þú opnar Símaróm í fyrsta sinn.
Röddin "Steinn" fylgir appinu við niðurhal, aðrar raddir þarf að sækja sérstaklega.
Símarómur er íslenskt talgervilsapp sem getur lesið alla íslenska texta á snjalltækinu þínu með því að tengjast aðgengisforritum.
Símarómur fyrir Android, með einni rödd, er ókeypis. Til þess að nota Símaróm fyrir iPhone eða iPad þarf að kaupa áskrift. Tæki sem nota sama fjölskylduaðgang hjá App Store geta nýtt fjölskylduáskrift að Símarómi.
Já, Símarómur keyrir 100% á tækinu þínu og virkar því án nettengingar: Raddirnar eru sérlega hraðvirkar og enginn texti yfirgefur tækið.
Símarómur er í boði fyrir iOS (iPhone og iPad) og Android. Símarómur þarf iOS 16 eða nýrri útgáfu, og Android 9 eða nýrri. Notendur iOS 26 þurfa að gæta þess að hafa í það minnsta útgáfu 26.4.
Á iOS 26+ skynjar síminn ekki íslenskan texta heldur túlkar hann sem enskan. Það er því mikilvægt að velja rödd úr Símarómi fyrir íslensku OG ensku í aðgengisstillingum símans eins og sýnt er í leiðbeiningum appsins.
Símarómur er þróaður hjá Grammateki ehf á Akranesi, sérfræðingum í máltækni og talgervingu fyrir íslensku.
Sendu fyrirspurn á info@grammatek.com, við svörum að bragði.
